Lexo! Lexo me emrin e Zotit tënd
udhëzimin më të mirë në jetë.
Dhe kurrë mos e shko nëpër mend,
të mos e quash të vërtetë.
Lexo rob, pas kësaj bote i harruar!
Fjalën e Zotit tënd lexo!
Se shpirt e zemër ka për t’u ndriçuar
dhe sipas Tij të jetosh, mëso!
I Madhërishmi na lajmëroi
me të shenjtin Kuran.
E mjerë për atë, që s’dëgjoi
Fjalën, që zemrat i shëron.
Lexo o i padituri iluzionar,
Librin më të bukur, që duhet të lexosh!
Jetën tënde në fije peri mos e var.
Fundi i saj do të vi kur s’do e kuptosh
Lexo dhe mëso kuptimin më me vlerë!
Nën dritën e Kuranit zemrën ndriço!
Me të jeton i qetë …jeton dhe me nder
dhe tjetër udhëzues për veten mos kërko!
Kur shpirti, o rob i Zotit, të jetë thyer,
ti kthehu me zemër të penduar!
Se zemra jote është më e vyer,
kur Librin e Lartë e ka zbatuar.
(Dorina Behari)
Rev. Familja, korrik -gusht 2015
