Për të gjithë fëmijët e apasionuar pas pikturës dhe vizatimit, vjen për ta botimi më i ri i Shoqatës Kulturore “Gruaja” me titull “Piktori i vogël”.
Ilustrime që presin fantazinë e vogëlushëve për kombinimin e ngjyrave.
Qëllimet dhe funksionet e këtij libri janë të shumëfishta.
Feja islame bazohet në tridhjetë e tre kushte. Të gjitha kushtet e saj paraqiten të ilustruara me tekst të shkurtër sqarues duke iu përgjigjur paraqitjes me figura.
Ky libër shërben për të afruar dhe për të qartësuar themelet e ideve fetare.
Ai nëpërmjet mesazhit që mbart, përpiqet t’u tregojë fëmijëve për rregullat dhe zakonet e mirësjelljes, si p.sh.: si të kemi një përshëndetje të rregullt, si të respektojmë të tjerët, si të jemi të sinqertë, të përpiktë, të zbatojmë rregullat e higjenës, njohja me vlerat shpirtërore që i ofron feja njeriut, njohja me dispozitat fetare etj.
Me fjali të qarta dhe të thukta për themelet e fesë, me përmbajtjen plot devocion të vargjeve fetare dhe të ilustrimeve që dominojnë në këtë libër, paraqiten parimet më të rëndësishme islame.
Libri “Piktori i vogël” ndahet në gjashtë kapituj të cilat bazohen në kushtet e ndryshme islame si: kushtet e Imanit, të Islamit, të abdesit, të tejemumit, të guslit dhe kushtet e namazit.
Shpresojmë që nëpërmjet këtij libri të rritet interesi për mësimdhënien e besimit tonë të bukur islam.
Titulli: Piktori i vogël
Teksti dhe ilustrimet: Xhemal Daciq
Vargjet: Selman Liaçeviq
Lektor: Azra Glavatoviq
Përgatitja teknike: Emil Shabo
Përktheu: Haxhi Ismail Dizdari
Redaktor letrar: Krenita (Hakrama) Xhaferi
Design & layout: Ermelinda (Agalliu) Kurti
Nr. faqeve: 68
Botues: Shoqata Kulturore “Gruaja”
Shtypi: Shtypshkronja “Mileniumi i ri”
ISBN: 978-9928-4220-4-0
