Sonte, si prom’ edhe nesër!
Me krejt shpirtin’
N’Tokën e atyne’
Që e deshtën shumë’
Lirinë, dhe
Jetën e Paqtë!
(për Aleppon, 2016)
________________________________
u ba kohë që jam nis
për tek Ty’
përpiqem me njoftë veten
nëpërmjet Dashnisë Tande.
______________________________
I kam thanë vedit
Me dekë
a lehtë’
edhe me u çue
jerm,
prej vorrit t’dynjasë përsëri!
Zor ashtë ama
n’kjoftë veç njiherë
me u ba njeri’
me u’ dashunue
si fmijë…
__________________
Shumë terr ka thithë përroni jem
për me venerue ditën
dekën e sosa
kur me tomël t’nanës
ia ktheva syve Dritën
Dashni
ti je llamp vojguri
e u’ trumcak lypës
symbyll e pa emën
Fjolla Spanca
Revista “Familja”, janar 2017
